हामी सबैकाे संसारन्यूज

काठमाडौं । मोबाइल वालेट कम्पनी डिजी पेले डिजिटल र नगद दुवैमा कारोबार गर्न मिल्ने सुविधा ल्याएको छ । कम्पनीले जनाएअनुसार डिजी पेमार्फत नगद कारोबार गर्दा पनि प्रयोगकर्ताले कमिसन पाउनेछन् ।

सबैलाई नाफामा साझेदारी गर्ने गरी ल्याइएको सेवामा तोकिएको टार्गेट पुरा गर्नेले महिनामै चारदेखि पाँच लाखसम्म कमाउन सक्ने कम्पनीले जनाएको छ । कम्पनीका अध्यक्ष दिवाकरबहादुर पाण्डेका अनुसार निःशुल्क रुपमा कम्पनीका सेवाहरुमा जोडिएर आम्दानी गर्न मिल्नेछ ।

पाण्डेले बताएअनुसार डिजी पेको प्रचारप्रसार गर्दा पनि प्रयोगकर्ताले आम्दानी गर्न सक्नेछन् । आबद्ध हुँदा नै पाँच सय रुपैयाँ टपअप, सेवा शुल्कमा छुट, एबिसि टेलिभिजन र द नेपालटपमार्फत विज्ञापन प्रकाशनमा छुट, स्टार हस्पिटलको सेवामा छुटलगायतका फाइदा प्रयोगकर्ताले पाउने उनले जनाए ।

यसको प्रयोगकर्ताले सामाजिक सञ्जालमार्फत विज्ञापन गर्दा ५० प्रतिशतसम्म छुट पाउने जनाइएको छ । साथै, कारोबार गर्दा प्राप्त लोयलटि पोइन्टलाई तत्कालै विभिन्न माध्यमबाट प्रयोग गर्न मिल्ने कम्पनीले जनाएको छ ।