हामी सबैकाे संसारन्यूज

काठमाडाैं । स्मार्टच्वाईस टेक्नोलोजीज लिमिटेड एससीटी र मुक्तिनाथ विकास बैंकबीच एससीटी–यूपीआई डेबिट कार्ड सेवा संचालनको लागि सम्झौता भएको छ।

सम्झौता पत्रमा स्माटच्वाईसका तर्फबाट प्रमुख कार्यकारी अधिकृत नारायण प्रकाश भुजु र मुक्तिनाथ विकास बैंकका तर्फबाट सहायक नायव प्रमुख कार्यकारी अधिकृत तिलबहादुर गुरुङ्गले हस्ताक्षर गरेका छन् ।

विगत २० वर्षदेखि डिजिटल भुक्तानीमा गुणस्तरीय सेवा दिँदै आएको स्मार्टच्वाईस र राष्ट्रिय स्तरमा ग्राहक मैत्री वित्तीय सेवा प्रदान गर्दै आइरहेको मुक्तिनाथ विकास बैंकबीच भएको यो सम्झौताले नेपालको समग्र डिजिटल भुक्तानीको क्षेत्रमा टेवा पुग्ने कम्पनीको विश्वास रहेकाे छ।

हाल ५ वाणिज्य बैंक, ५ विकास बैंक, १२ फाइनान्स कम्पनी र १५० भन्दा बढी सहकारीहरूले एससीटी–यूपीआई डेबिट कार्ड आफ्नो ग्राहकहरुलाई प्रदान गरिरहेका छन् ।

यस सम्झौतापश्चात मुक्तिनाथ विकास बैंकका ग्राहकहरूले एससीटी–यूपीआई डेबिट कार्डको आधुनिक, सुरक्षित, गुणस्तरीय तथा भरपर्दो सेवा प्राप्त गर्न सक्ने छन् ।

साथै, यूनिएन पे इन्टरनेशनलको प्रयोगबाट ग्राहकले नेपाल तथा भारतमा एटीएम, पीओएस, इ–कमर्शलगायतका सेवा लिन सकिने स्मार्टच्वाइस टेक्नोलोजीजले जनाएको छ ।