Sansar News
काठमाडौं । वैदेशिक अध्ययनका लागि जाने विद्यार्थीहरुको संख्या बढेको छ । चालु आर्थिक वर्षको समीक्षा अवधिमा वैदेशिक अध्ययन शीर्षकमा ६७ अर्ब १९ करोड रुपैयाँ बाहिरिएको छ ।
राष्ट्र बैंकले सार्वजनिक गरेको प्रतिवेदनअनुसार अघिल्लो वर्षको तुलनामा २३ अर्ब रुपैयाँ बढी अध्ययनका शीर्षकमा बाहिरिएको छ । अघिल्लो वर्षको यही अवधिमा ४३ अर्ब ६७ करोड रुपैयाँ शिक्षा लागि बाहिरिएको थियो ।
यस्तै, राष्ट्र बैंकका अनुसार चालु आ.ब.को समीक्षा अवधिमा भ्रमण खर्च शीर्षकमा मात्रै नेपालबाट ९१ अर्ब ६० करोड बाहिरिएको छ । जुन अघिल्लो वर्षको तुलनामा २६ अर्ब बढी हो ।
मुलुक आर्थिक संकटमा गएको बताइएको बेला पनि शिक्षा र भ्रमण शीर्षकमा बढ्दो खर्चले भने सरकारको शैली फितलो देखाउँछ । अनावश्यक खर्च घटाउनमा सरकारले कडाईको नीति ल्याएको देखिन्न ।
वि.सं.२०८० वैशाख २७ बुधवार १४:२३ मा प्रकाशित
