हामी सबैकाे संसारन्यूज

काठमाडौं । कृषि विज्ञ मदन राई स्कुलका छात्राहरुलाई यौन दुव्यवहार गरेको आरोपमा पक्राउ परेका छन् ।

आफैले खोलेको सुभद्रा फाउन्डेसनमा राखिएका बालबालिकामाथि यौन दुव्र्यवहार गरेको आरोपमा ७५ वर्षीय राईलाई प्रहरीले विहिवार पक्राउ गरेको हो ।

उनले आफैले खोलेको स्कुलमा पढ्दै गरेका बालबालिलाई यौन दुव्र्यवहार गरेको घटना बाहिर आएपछि उनलाई फाउन्डेशनबाटै पक्राउ गरिएको जिल्ला प्रहरी कार्यालय खोटाङका डिएपी मन्जिल मुकारुङले जानकारी दिएका छन् ।
हाल उनलाई खोटाङ प्रहरी हिरासतमै राखिएको छ ।

उक्त फाउन्डेशनका संस्थापक समेत रहेका राईमाथि स्कुलमा पढ्न राखिएका बालिकाहरुको संवेदनशील अंग छुने, चलाउने, आफु नग्न हुने लगायतका हर्कतको भिडियोसहितको रिर्पोट सेतो पार्टीले सार्वजनिक गरेको थियो ।
उक्त रिर्पोटमा झण्डै दर्जन बालिकाले उनको यस्तो हर्कतका बारेमा जानकारी दिएका थिए ।