काठमाडौं । नेपालमै उत्पादन भएर पनि विविध कारणले दर्ता हुन नसकेको ‘यात्री’ मोटरसाइकल कम्पनी अन्ततः सोमबार दर्ता भएको छ ।
‘यात्रु डिजाइन स्टुडियो प्रा.लि’ नामले कम्पनी दर्ता भएको हो । तीनवर्ष अघि आफ्नो उत्पादन सार्वजनिक गरेको सो कम्पनी सरकारी निकायमा दर्ता हुन नसकेको कुरा सार्वजनिक भएपछि प्रधानमन्त्री पुष्पकमल दाहाल ‘प्रचण्ड’ ले त्यसलाई प्रत्यक्षरुपमा चासो दिँदै यातायात व्यवस्था विभागलाई दर्ता प्रक्रियाका लागि कानुन बनाउन निर्देशन समेत दिएका थिए ।
एकवर्ष अघि नै आफुले उत्पादन गरेको मोटरसाइकल ग्राहकलाई डेलिभरी गरेपनि दर्ता हुन नसकेका कारण बजार विस्तार हुन् नसकेकोमा कम्पनीले दुःख व्यक्त गर्दै आएको थियो ।
‘आज हामीले हाम्रो विशेष सिरिज–१ प्रयोगकर्तालाई हाम्रो पहिलो पि–वान ए–डेलिभर गर्यौें र आज एक वर्षपछि, हामीले पहिलो ’मेड इन नेपाल’ गाडी दर्ता गरेका छौं, यात्री पि–वान ।’ कम्पनीले खुसी व्यक्त गर्दै सामाजिक संजालमा लेखेको छ ।
