हामी सबैकाे संसारन्यूज

काठमाडौं । राष्ट्रिय जनमोर्चाका अध्यक्ष चित्र बहादुर केसीले नेपालका प्रधानमन्त्रीको पहिलो भ्रमण भारतलाई नै बनाउनु पर्ने बाध्यताबारे प्रश्न गरेका छन् ।

बिहीबार प्रतिनिधिसभा बैठकमा केसीले प्रधानमन्त्री पुष्पकमल दाहाल ‘प्रचण्डलाई यस्तो प्रश्न गरेका हुन् ।

केसीको प्रश्न्मा जवाफ दिँदै प्रधानमन्त्री प्रचण्डले नेपालमा त्यस्तो कुनै बाध्यता नभएको भन्ने जवाफ आफु पहिलो प्रधानमन्त्री हुँदा व्यवहारबाट नै दिइसकेको बताए ।

‘नेपालमा त्यस्तो कुनै बाध्यता छैन । यसको जवाफ मैले आफ्नो पहिलो प्रधानमन्त्रीकालमा व्यवहारबाटै दिइसकेको छु ।तर, भारतसँगको हाम्रो खुला सिमाना, आर्थिक राजनीतिक, व्यपारिक तथा सांस्कृतिक सम्बन्धको विशिष्टताको कारणले त्यो प्रचलन रहेको भएपनि त्यस्तो कुनै राजनीतिक बाध्यता भने हामीलाई छैन । त्यो कुरा हामीले प्रमाणित पनि गरिसकेका छौं ।’