Sansar News
काठमाडौं । नेकपा माओवादी केन्द्रका उपाध्यक्ष अग्नि सापकोटासहितको २० सदस्यीय टोली आज चीन भ्रमणमा गएको छ ।
पूर्व सभामुखसमेत रहेका सापकोटाको नेतृत्वमा चीन प्रस्थान गरेको उक्त २० सदस्यीय टोलीमा सचिव तथा पूर्वमन्त्री गणेश साह, हितमान शाक्य र डिलाराम आचार्यलगायत रहेका छन् ।
१० दिने भ्रमणमा चीनको छेन्दु प्रस्थान गरेको उक्त टोली नेपाल–चीनको अनुभव आदान प्रदानका लागि भ्रमणमा गएको बताइएको छ । उक्त भ्रमण टोलीमा माओवादी केन्द्रका प्रदेश अध्यक्ष तथा केन्द्रीय नेताहरु पनि रहेका छन् ।
वि.सं.२०८० जेठ ५ शुक्रवार ११:५८ मा प्रकाशित
