हामी सबैकाे संसारन्यूज

काठमाडौं । प्रमुख प्रतिपक्षी दल नेकपा (एमाले)का अध्यक्ष केपी शर्मा ओलीले वर्तमान सरकार भ्रष्टाचार नियन्त्रण गर्न सफल हुनेमा विश्वस्त हुने आधार नभएको बताएका छन् । आइतबार बसेको प्रतिनिधिसभा बैठकलाई सम्बोधन गर्दै उनले यस्तो बताएका हुन् ।

भ्रष्टाचार नियन्त्रण गर्ने सबालमा सरकार स्टनबाजी शैलीमा मात्रै देखिएको ओलीको आरोप छ । ‘मलाई लाग्दैन, सरकारले सबै प्रकारका भ्रष्टाचार नियन्त्रण गर्नेछ । भ्रष्टाचारका सबै विषयलाई कानुनी कारबाहीको दायरमा ल्याउनेछ भन्ने मलाई पत्यार लागिराख्या छैन’, उनले भने ।

उनले भुटानी शरणार्थी प्रकरणमा भइरहेको छानबिन सन्देहपूर्ण भएको बताए ।

उनले दोषीलाई छुट दिने र निर्दोषलाई फसाउने गरी सरकार लागेको आरोप लगाए । यदि निर्दोषलाई फसाउने गरी सरकार लागेमा एमाले चुप नलाग्ने ओलीको चेतावनी छ ।

ओलीले भ्रष्टाचारका सबै मुद्दामाथि छानबिन हुनुपर्ने पनि बताएका छन् ।