हामी सबैकाे संसारन्यूज

काठमाडौं । एमाले अध्यक्ष केपी शर्मा ओलीले गठबन्धन सरकार सबै हिसाबले असफल भएको टिप्पणी गरेका छन् । सरकारले देखाएका सबै सपना झुटा सावित भएको उनले बताए ।

“आर्थिक बृद्धिदर आठ प्रतिशत पुर्‍याउने लक्ष्य राखिएकोमा दुई प्रतिशत पनि नपुग्ने अवस्थामा छ । पोहोर साल बजेट पेश गर्दा आठ प्रतिशत पुर्‍याउँछौं भनेको होइन ?”, सरकारलाई प्रश्न गर्दै उनले भने, “त्यसबेला मैंले बोलेको थिएँ, त्यसको आधा पुर्‍याएर देखाउनु । जसरी तपाईं काम गर्दै हुनुहुन्छ, यसले अगाडि जाँदैन । आयव्ययको अनुमान के भयो ? सबै हावादारी ठहरिए ।”

ओलीले शान्ति सुरक्षा दिन सरकार असफल देखिएको बताए । उनले झापामा आफुँमाथि आक्रमण हुँदा सरकार मुखदर्शक भएको टिप्पणी गरे ।

प्रधानमन्त्री पुष्पकमल दाहाल ‘प्रचण्ड’को सत्तामुखी नीतिका कारण देश असफलतातिर गएको उनको टिप्पणी छ । उनले प्रचण्डको नेतृत्व क्षमतामाथि पनि प्रश्न गरेका छन् ।