Sansar News
काठमाडौं । सिटिजन्स बैंक इन्टरनेसनले आफ्नो मोबाइल बैंकिङ एपमा नँया सुविधाहरु थप गरेको छ ।
बैंकले आफ्ना विशेष ग्राहकहरुलाई लक्षित गरी मोबाइल मार्फत प्रिभिलेज बैंकिङ सेवा शुरु गरेको हो ।
बैंकले विभिन्न प्रिभिलेज काउन्टरहरुमार्फत प्रिभिलेज बैंकिङ सेवा प्रदान गर्दै आइरहेकोमा अब मोबाइल बैंकिङ एपमार्फत नै प्रिभिलेज सेवाहरु प्रदान गर्ने जनाएको छ । यस सेवा अन्तर्गत ग्राहकहरुले बैंकका तोकिएका सम्पर्क अधिकृतहरु मार्फत बिना झंझट बैंकिङ सेवा प्राप्त गर्न सक्नेछन् ।
यसैगरी बैंकले, आफ्नो एपमार्फत नेपाल पेको क्युआर सञ्चालनमा ल्याएको छ । अव बैंकका ग्राहकहरुले फोन पे का अतिरिक्त नेपाल पेको क्युआर कोड समेत स्क्यान गरी भुक्तानी गर्न सक्नेछन् । यसका साथै बैंकको मोबाइल बैंकिङ एप प्रयोग गरी ग्राहकहरुले चेक रोक्का राख्ने लगायतका थप सुविधा पनि प्राप्त गर्न सक्नेछन् ।
सिटिजन्स बैंक इन्टरनेसनल लिमिटेडले देशैभरी फैलिएका आफ्ना १८२ वटा शाखा, ३ वटा विस्तारित काउण्टर, १३९ वटा एटिएम, ६ वटा कियोस्क सेवा र ९७ वटा शाखा रहित बैंकिङ ईकाईहरुबाट आधुनिक बैंकिङ सेवाहरु प्रदान गर्दै आएको छ ।
वि.सं.२०८० जेठ ८ सोमवार ०७:५९ मा प्रकाशित
