Sansar News
काठमाडौं । नक्कली भुटानी शरणार्थी प्रकरणमा पक्राउ परेका नेपाली कांग्रेसका नेता तथा पूर्वगृहमन्त्री बालकृष्ण खाँणलाई उनकी पत्नी मञ्जु खाणले भेटेकी छन्। पति पक्राउको १२ दिनपछि उनलाई भेट्न मञ्जु सोमबार बिहान जिल्ला प्रहरी परिसर टेकु पुगेकी हुन् ।
पति पक्राउ परेसँगै मञ्जु केही समय वेपत्ता भएकी थिइन् । कांग्रेसले पत्रकार सम्मेलनमै मञ्जुको विषयमा जानकारी नभएको बताएको थियो । तर, आइतबारको संसद बैठकमा अनौठो गरी उनी झुल्किएकी थिइन् ।
आइतबार संसद बैठक पुगेकी मञ्जु सोमबार बिहान पति बालकृष्णलाई भेट्न पुगेकी हुन् ।
बालकृष्ण खाँण गत वैशाख २७ मा आफ्नै निवास मैजुबहालबाट पक्राउ परेका थिए । नेपाली नागरिकलाई नक्कली शरणार्थी बनाएर ठगी गरेको आरोपमा उनलाई प्रहरीले पक्राउ गरेको हो ।
प्रकरणमा मञ्जुको पनि नाम जोडिएको छ । तर, प्रहरीले उनलाई अनुसन्धानमा तानेको छैन ।
वि.सं.२०८० जेठ ८ सोमवार ११:४८ मा प्रकाशित
