Sansar News
काठमाडाैं । कीर्तिमानी आरोही कामिरिता शेर्पा एक साता नपुग्दै दाेस्राे पटक सगरमाथा चढेका छन् । गत जेठ ३ सगरमाथाकाे चुचुराेमा पुगेका उनी मंगलबार बिहान दाेस्राे पटक सफल आरोहण गरेका हुन् ।
याेसँगै कामीरिताले २८ औं पटक सगरमाथाकाे सफल आरोहण गर्दै सबैभन्दा धेरैपटक सगरमाथा चढ्ने कीर्तिमान पनि बनाएका छन् ।
उनी आवद्ध सेभेन समिट ट्रेक्स प्रालिका अध्यक्ष मिग्मा शेर्पाका अनुसार, कामीरिता मंगलबार बिहान ९ बजेर २० मिनेटमा सगरमाथाको चुचुरोमा पुगेका थिए ।
सोलुखुम्बुको थामे गाउँका कामीरिता सेभेन समिट ट्रेक्स प्रालिका टुरिष्ट गाइड हुन् । गाइडकै शिलशिलामा कामीरिताले सगरमाथासँगै माउन्ट केटु, चोयु, ल्होत्से लगायतका हिमाल समेत आरोहण गरिसकेका छन् ।
कामीरिताले सबैभन्दा पहिले १९९२ मा सपोर्ट स्टाफको सगरमाथाकाे आरोहण गरेका थिए ।
सोलुखुम्बुको पाङबोचेका पासाङ दावा शेर्पाले पनि सगरमाथा आरोहणकाे २७ औं रेकर्ड कायम गरेपछि कामीरिता नयाँ रेकर्ड बनाउन सातामै दाेस्राे पटक सगरमाथा चढेका थिए ।
वि.सं.२०८० जेठ ९ मंगलवार १२:१८ मा प्रकाशित
