हामी सबैकाे संसारन्यूज

काठमाडौं । प्रमुख प्रतिपक्षी नेकपा (एमाले)ले प्रतिनिधिसभाको बैठकलाई अवरोध गरेको छ । शुक्रबारको बैठक सुरु भएलगत्तै एमालेका सांसदहरु उठेर अवरोध गरेका हुन् ।

पशुपति मन्दिरको गजुरमा सुन राख्दा तत्कालिन केपी शर्मा ओली नेतृत्वको सरकारले भ्रष्टाचार गरेको आरोप सत्ता पक्षीय सांसदबाट लगाइएपछि एमालेले अवरोध गरेको हो ।  एमालेले सत्तापक्षीय सांसदले लगाएको उक्त आरोपबारे स्पष्ट पार्नुपर्ने माग गरेको छ ।

एमालेले सांसदको उक्त भनाई रेकर्डबाटै हटाउन पनि माग गरेको छ । एमालेले प्रधानमन्त्रीबाट उक्त विषयको जवाफ दिनुपर्ने माग गरेको छ ।

एमालेको अवरोधपछि सभामुखले केहीबेरका लागि सदन स्थगित गरेका छन् ।

सत्तारुढ दल माओवादी केन्द्रका सांसद लेखनाथ दाहालले पशुपतिमा सुन राख्दा भ्रष्टाचार गरेको आरोप लगाएका थिए ।