हामी सबैकाे संसारन्यूज

काठमाडौं । प्रतिनिधि सभाको बैठक सुरु हुनासाथ नेकपा एमालेले बैठक अवरुद्ध गरेको छ ।

नेकपा माओवादी केन्द्रका सांसद हितराज पाण्डेले संसदमा बोलेको विषयलाई लिएर एमालेले प्रतिनिधि सभाको बैठक सुरु हुनासाथ अवरोध गरेको हो ।

पाण्डेले पशुपति मन्दिरमा सुनको जलहरी भनेर पित्तलको जलहरी राखेको भन्दै एमाले अध्यक्ष केपी ओलीमाथि सत्तापक्षका सांसदले लगाइएको भन्दै एमालेले त्यसको विरोधमा संसद अवरुद्ध गरेको हो ।

नेकपा एमालेका नेता सुवास नेम्वाङले सदन रोक्ने आफुहरुको नियत नभएको बताउँदै सत्तापक्षका तर्फबाट जिम्मेवार सांसदले लगाएको आरोपको कुनै आधार नभएको र गैर जिम्मेवार रहेको भन्दै त्यसलाई प्रष्ट पार्न आग्रह गरेका थिए ।

एमालेले प्रधानमन्त्रीले त्यसको जवाफ दिनुपर्ने भन्दै नारावजी समेत गरेको थियो ।