Sansar News
काठमाडौं । भारतीय प्रधानमन्त्री नरेन्द्र मोदीले १० वर्षमा नेपालबाट १० हजार मेगावाट विजुली किन्ने लक्ष्य राखेको बताएका छन् ।
प्रधानमन्त्री पुष्पकमल दाहाल ‘प्रचण्ड’को भारत भ्रमणका क्रममा बुधबार भएको द्विपक्षीय वार्तापछिको पत्रकार सम्मेलनका क्रममा मोदीले सो कुरा बताएका हुन् । उनले आज भएको व्यापार सम्झौताले यो लक्ष्य पूरा गर्न सहयोग पुग्ने बताएका छन् ।
पत्रकार सम्मेलनका क्रममा मोदीले भने, ‘भारत र नेपालबीच लङटर्म पावर ट्रेड एग्रिमेन्ट सम्पन्न भएको छ । हामीले आउने १० वर्षमा नेपालबाट १० हजार मेगावाट बिजुली आयात गर्ने छौँ ।’
सोहि अवसरमा दुई देशबीच फुर्कोट कर्णाली र तल्लो अरुण निर्माणका लागि सम्झौता समेत भएको छ । साथै गोरखपुर–भैरहवा ४०० केभी प्रशारण लाइनको शुभारम्भ समेत भएको छ ।
वि.सं.२०८० जेठ १८ बिहीवार १३:५१ मा प्रकाशित
