Sansar News
काठमाडौं । प्रतिनिधि सभाको बैठ आज बस्दैछ ।
संघीय संसद भवन बानेश्वरमा बिहान ११ बजे सुरु हुने बैठकमा अर्थमन्त्री डा. प्रकाश शरण महतले वक्तव्यसहित ‘आ.व. २०८०÷०८१ को राजस्व र व्ययको बार्षिक अनुमानमाथि सामान्य छलफल प्रारम्भ गरियोस्’ भनी प्रस्ताव पेश गर्ने र त्यसमा सामान्य छलफल हुने कार्यसूची रहेको छ ।
त्यसैगरी आजको बैठकमा पूर्वराज्यमन्त्री मीना पाण्डेको निधनमा शोक प्रस्ताव पारित गर्ने कार्यसूची रहेको छ ।
२०५१ सालमा नेपाली कांग्रेसबाट प्रतिनिधि सभा सदस्य, २०६४ र २०७४ सालको प्रतिनिधिसभा निर्वाचनमा समानुपातिक सदस्यमा निर्वाचत तथा पूर्व महिला, बालबालिका तथा समाज कल्याणमन्त्री पाण्डेको जेठ १६ गते ७२ वर्षको उमेरमा निधन भएको थियो ।
वि.सं.२०८० जेठ २१ आइतवार ०८:४३ मा प्रकाशित
