Sansar News
काठमाडौं । काठमाडौं महानगरपालिकाका मेयर बालेन शाहले आफ्नो कार्यकक्षमा ‘ग्रेटर नेपाल’को नक्सा राखेका छन् ।
भारतले नयाँ संसद भवनमा नेपाली भूमीसमेत समावेश भएको ‘अखण्ड भारत’को नक्सा राखेको विषय चर्चामा भइरहेको समय बालेनले आफ्नो कार्यकक्षमा ग्रेटर नेपालको नक्सा राखेका हुन् ।
मेयर बालेन स्वयम् अहिले भारत भ्रमणमा छन् । उनले भारत जानुअघि ग्रेटर नेपालको नक्सा राखेर छाडेका हुन् ।
भारतले अखण्ड भारतको नक्सा राखिरहेका बखत नेपालमा ग्रेटर नेपालको नक्सा राख्नुपर्ने माग उठेको थियो । मेयर बालेन सोही बुझाईअनुसार विद्यमान अवस्था कायम नेपालको नक्सा हटाएर ग्रेटर नेपालको नक्सा राखेका हुन् ।
वि.सं.२०८० जेठ २५ बिहीवार १५:२३ मा प्रकाशित
