हामी सबैकाे संसारन्यूज

काठमाडौं । आज देशभर सामान्य देखि पूर्णतया बदली रहनेछ ।

महाशाखाका अनुसार आज दिउँसो बागमती, गण्डकी, लुम्बिनी, कर्णाली र सुदूरपश्चिम प्रदेशका केही स्थानहरूमा तथा बाँकी प्रदेशका थोरै स्थानहरूमा मेघ–गर्जन/चट्याङ्ग सहित हल्का देखि मध्यम वर्षाको सम्भावना रहेको छ । साथै बागमती, गण्डकी, लुम्बिनी, कर्णाली र सुदूरपश्चिम प्रदेशका एक–दुई स्थानमा भारी देखि धेरै भारी वर्षाको पनि सम्भावना रहेको छ।

त्यस्तै राति पनि बागमती, गण्डकी, लुम्बिनी र सुदूरपश्चिम प्रदेशका केही स्थानहरूमा तथा बाँकी प्रदेशका थोरै स्थानहरूमा मेघ–गर्जन÷चट्याङ्ग सहित हल्का देखि मध्यम वर्षाको सम्भावना रहेको छ । साथै लुम्बिनी, कर्णाली र सुदूरपश्चिम प्रदेशका एक–दुई स्थानमा भारी वर्षाको पनि सम्भावना रहेको महाशाखाले जनाएको छ ।

त्यस्तै पछिल्लो समय दैलेख, सुर्खेत, कालिकोट, अछाम, डोटी, बझाङ, बाजुरा, डडेलधुरा र आसपास केही स्थानमा भारी बर्षा मापन भएको र थप बर्षा भई आसपासको स–साना खोलामा आकस्मिक बाढी हुनको साथै कमजोर भिरालो जमिनमा पहिरोको जोखिम हुन सक्ने हुनाले सतर्कता अपनाउन बाढी पूर्वानुमान महाशाखाले जनाएको छ ।

महाशाखाले अछामको असराघाट ,मान्म कालिकोट,दैलेख, र आसपासको क्षेत्रमा भारी बर्षा मापन भएकोले उक्त स्थान भइ बहने खोलामा आकस्मिक बाढी हुनको साथै कमजोर भिरालो जमिनमा पहिरोको जोखिम हुन सक्ने हुनाले बिहानसम्म सतर्कता अपनाउन अनुरोध गरेको छ ।