हामी सबैकाे संसारन्यूज

काठमाडौं । काठमाडौं महानगरपालिकाले आगामी आर्थिक वर्ष २०८०–८१ को लागि २५ अर्ब ५४ करोड ७८ लाख २० हजारको बजेट सार्वजनिक गरेको छ। आइतबार आयोजित महानगरको १३औं नगर सभामा उपप्रमुख सुनिता डंगोलले आगामी आर्थिक वर्ष २०८०/०८१ का बजेट पेस गरेकी हुन् ।

डंगोलले चालुतर्फ ८ अर्ब ६१ करोड ५३ लाख २८ हजार र पुँजीगततर्फ १६ अर्ब ९३ करोड २४ लाख ९२ हजार रुपैयाँ विनियोजन गरेकी छन् ।

प्रस्तुत बजेटमा चालुतर्फ ३३.७२ र पुँजीगततर्फ ६६.२८ प्रतिशत बजेट विनियोजन गरिएको छ । बजेटको स्रोतमा बैंक मौज्दात सबैभन्दा धेरै रहेको छ ।

काठमाडाैं महानगरको मौज्दात ११ अर्ब ७५ करोड रुपैयाँ रहेको उपप्रमुख डंगोलले बताइन् ।

त्यस्तै, संघीय सरकार र प्रदेश सरकारको सशर्त अनुदान १ अर्ब ४५ करोड ६२ लाख, निशर्त अनुदान ८९ करोड ३६ लाख, आन्तरिक आय ६ अर्ब ३९ करोड, राजस्व बाँडफाँटबाट २ अर्ब १६ करोड रुपैयाँ र सामाजिक सुरक्षा र जग्गा एकीकरणबाट २ अर्ब रुपैयाँ प्राप्त हुने उपमेयर डंगोलले जानकारी दिइन् ।

यस्ताे छ काठमाडाैं महानगरकाे बजेटकाे पूर्णपाठ