हामी सबैकाे संसारन्यूज

काठमाडाैं । राष्ट्रपति रामचन्द्र पौडेल उपचार गरेर निवास फर्किएका छन्। राष्ट्रपति पौडेल बुधबार शितल निवास फर्किएका हुन्।

राष्ट्रपति पौडेल मुटुको धड्कन अस्थिर भएपछि अस्पतालमा भर्ना भएका थिए। उनी असार २ गते उपचारका लागि त्रिभुवन विश्वविद्यालय चिकित्सा शास्त अध्ययन संस्थानअन्तर्गतको मनमोहन कार्डियोथोरासिक भास्कुलर तथा ट्रान्सप्लान्ट सेन्टरमा भर्ना भएका थिए ।

अस्पतालमा उनको छातीमा पेस मेकर राखिएको थियो । पेसमेकरले मुटुको चाललाई स्थिर बनाउन सहयोग गर्छ।

राष्ट्रपति कार्यालयकी प्रवक्ता शैलजा रेग्मी भट्टराईले आज विज्ञप्ति निकालेर राष्ट्रपति पौडेल उपचार गराएर निवास फर्किएको उल्लेख गरेकी छन्।

राष्ट्रपति पौडेलको स्वास्थ्य अवस्था सामान्य छ।