Sansar News
काठमाडौं । मनाङ एयरको हेलिकप्टर सोलुखुम्बुको लिखुपिके गाउँपालिकामा दुर्घटना ग्रस्त अवस्थामा भेटिएको छ ।
सोलुखुम्बुको सुर्के हेलिप्याडबाट काठमाडौंका लागि उडेको हेलिकप्टर लिखुपिके गाउँपालिका–५को लामजुरा क्षेत्रमा दुर्घटनाग्रस्त भेटिएको हो ।
सोलुखुम्बुका प्रमुख जिल्ला अधिकारी बसन्त भट्टराईले दुर्घटनास्थलमा पाँच जनाको शव भेटिएको जानकारी दिएका छन् ।
अहिलेसम्म पाँच वटा शव भेटिएको र उनीहरुको पहिचान हुन बाँकी रहेको उनले जानकारी दिए । हराइरहेका एक जनाको पनि खोजी भइरहेको उनले जनाए ।
हेलिकप्टर दुर्घटनाका कारण खुलेको छैन । मौसम खराबका कारण हेलिकोप्टर दुर्घटना भएको हुनसक्ने अनुमान गरिएको छ ।
काठमाडौंका लागि सुर्केबाट उडेको हेलिकप्टर बिहान १० बजेर १२ मिनेटपछि सम्पर्कविहीन भएको थियो ।
वि.सं.२०८० असार २६ मंगलवार १३:३५ मा प्रकाशित
