Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ ले मनाङ एयरको हेलिकप्टर दुर्घटनाप्रति दुःख व्यक्त गरेका छन् ।
सोलुखुम्बुबाट काठमाडौंका लागि उडेको मनाङ एयरको हेलिकप्टर सोलुखुम्बुको लिखुपिके गाउँपालिकाको लाम्जुरापासमा पाँचको मृत्यु र एकजना बेपत्ता हुनेगरी भएको दुर्घटनाप्रति प्रधामन्त्रीले दुःख व्यक्त गरेका हुन् ।
‘सोलुखुम्बुको सुर्केबाट काठमाडौंका लागि उडेको मनाङ एयरको हेलिकोप्टर दुर्घटनामा परेको समाचारले दुःखी तुल्याएको छ । दुर्घटनामा परी मृत्यु हुनुभएका यात्रुहरूप्रति भावपूर्ण श्रद्धासुमन अर्पण गर्दै शीघ्र र प्रभावकारी उद्दारका लागि नेपाल सरकारका सम्बन्धित संयन्त्रलाई निर्देशित गर्दछु ।’ प्रधानमन्त्रीले भनेका छन् ।
वि.सं.२०८० असार २६ मंगलवार १४:२९ मा प्रकाशित
