हामी सबैकाे संसारन्यूज

काठमाडौं । राष्ट्रिय स्वतन्त्र पार्टी (रास्वपा) ले सुन तस्करी काण्डमा गृहमन्त्रीले चित्तबुझ्दो जवाफ दिनुपर्ने बताएका छन् ।

रास्वपाका सभापति तथा सांसद रवि लामिछानेले सुन प्रकरणमा गृहमन्त्री र सम्बन्धीत निकायले संसदमा उपस्थित भएर चित्तबुझ्दो जवाफ दिनुपर्ने अन्यथा रास्वपाले आगामी कदम चाल्ने बताए ।
‘क्विन्टलका क्विन्टल सुन आउनु, त्यसमा सामान्य भरिया पर्नु यो वर्षौ देखिको सेटिङ हो । तर अचम्म पर्ने कुरा जब यस्ता घटना आउँछन् कर्मचारीको सरुवा हुन्छ । सरुवा भनेर कारबाही हो । उहाँहरुलाई सरुवा गरेर कारबाही गरिएको हो वा उपहार दिइएको हो ?,’ लामिछानेले भने, ‘यस्तो गम्भीर विषयमा विभिन्न निकायका प्रमुखहरुलाई तुरुन्त बर्खास्त गर्ने हो कि, गर्नुपर्ने हो ?’

उनले यसलाई ठुलो सेटिङ भएको र यो निरन्तर चल्दै आएको समेत बताए । लामिछानेले तत् निकायका प्रमुखहरु भएर बसेका छन् उनीहरु त्यो निकायको प्रमुख भएर बस्ने हैसियत नराखेको भन्दै उनीहरु त्यहाँ बस्दा अनुसन्धानमा ठूलो असर पुग्ने र प्रमाण लुक्ने सम्भावना रहेको समेत बताए ।