हामी सबैकाे संसारन्यूज

काठमाडौं । राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङ्देनले सुन तस्करीको मुख्य नाइके लुकाउने काम गरेको आरोप लगाएका छन् ।

प्रतिनिधि सभाको बैठकमा बोल्दै अध्यक्ष लिङ्देनले सुन तस्करी काण्डमा सरकारले भरिया समातेर सुन तस्करका नाइकेहरुलाई लुकाउने काम भएको आरोप लगाए ।

‘भरियालाई पक्रेर सुन तस्करका नाइकेहरुलाई संरक्षण दिने, जोगाउने काम नगरियोस्, सरकार त्यसको जरासम्म पुगोस् । केही मानिसहरुका नाम पनि अरु प्रकरणमा आएका छन् । सरकारले प्रक्रिया शसक्त ढंगले अगाडि बढाओस् । अहिले जुन ढंगले अनुसन्धानको नाममा झारा टार्ने काम भइरहेको छ । त्यसले जरासम्म पुगिदैन ।’

उनले सुन तस्करी प्रकरणका लागि विशेष छानविन आयोग बनाएर अनुसन्धान प्रक्रिया अगाडि बढाउन समेत आग्रह गरे ।

अध्यक्ष लिङ्देनले नेपाल सुन तस्करको ट्रान्जिट प्वाइन्ट बनिरहेको र सम्बन्धीत अन्य देशले सूचना र दवाव दिएपछि मात्र पक्राउ गर्ने काम भएको कुरा बाहिर आएको समेत बताए ।