हामी सबैकाे संसारन्यूज

काठमाडौं । कुमारी बैंक लिमिटेड र ईएमएफ माइक्रोफाइनान्स फन्डबीच सम्झौता भएको छ । सोही मागलाई मध्यनजर गर्दै कुमारी बैंकले इएमएफ माइक्रोफाइनान्स फन्ड, एजीएमभिके र लिइचेनस्टेनसँग व्यावसायिक ऋण सम्झौता गरेको हो ।

बैंकले आफ्नो स्थापनाकालदेखि नै ग्राहकको मागलाई ध्यानमा राख्दै नवीन र ग्राहकमैत्री योजनाहरु ल्याउँदै आएको छ । ईएमएफ माइक्रोफाइनान्स फन्डसँगको सहकार्यमार्फत् कुमारी बैंकले साना तथा मझौला क्षेत्रलाई किफायती कर्जा पहुँचका साथ सशक्तीकरण गर्ने लक्ष्य राखेको छ । जसले आर्थिक उन्नतिका लागि नयाँ अवसर सिर्जना गर्न मद्दत गर्ने अपेक्षा गरिएको छ ।

यसअघि कुमारी बैंकले महिला सशक्तीकरण ऋण र महिला स्वामित्व भएका एमएसएमइजलाई सहयोग गर्न माइक्रोफाइनान्स एन्हान्समेन्ट सुविधा एसए, एसआईसीएभी–एसआईएफसँग ईसीबी सफलतापूर्वक पूरा गरिसकेको छ । विगत २२ वर्षदेखि निरन्तर बैंकिङ सेवा दिँदै आएको कुमारी बैंकले आफ्ना देशभर रहेका ३०४ शाखा, ४९ एक्सटेन्सन काउन्टर, ३०७ एटीएम तथा ६३ शाखारहित बैंकिङ इकाइसहितका सञ्जालमार्फत् बैंकिङ सेवा प्रदान गर्दै आएको छ ।