Sansar News
काठमाडौं । बालयौन दुरुपयोग गरेको आरोपमा चाइल्ड केयर सेन्टरका संचालक पक्राउ परेका छन् ।
ललितपुर महानगरपालिका–२२ बुङ्मतीस्थित ब्लेस हाउस एण्ड चाइल्ड केयर सेन्टर संचालन गर्दै आएका हुम्ला सिमिकोट गाउँपालिका–६ का ४१ वर्षीय दत्त सिंह बुढालाई प्रहरीले पक्राउ गरेको हो ।
दत्तसिंहले चाइल्ड केयरमा बस्दै आएकी ८ वर्षीया बालिकालाई गत असारदेखि साउन २६ गते बिहानसम्म बालयौन दुरूपयोग गर्दै आएका थिए । बालिकाले यस्तो नगर्नु भन्दा कुटपिट तथा शारीरिक यातना समेत दिएपछि प्रहरीले उनलाई पक्राउ गरेको हो ।
उनी उपर जिल्ला अदालत ललितपुरबाट ७ दिन म्याद थप अनुमति लिई यस सम्बन्धमा आवश्यक अनुसन्धान गरिरहेको प्रहरीले जनाएको छ । प्रहरीका अनुसार पीडित बालिकालाई हाल संरक्षण गृहमा राखिएको छ । file-photo
वि.सं.२०८० साउन २९ सोमवार १३:४६ मा प्रकाशित
