हामी सबैकाे संसारन्यूज

काठमाडौं । कोशी प्रदेशका मुख्यमन्त्री उद्धव थापाले प्रदेशसभाबाट विश्वासको मत प्राप्त गरेका छन् ।

९३ सदस्यीय रहेको कोशी प्रदेश सभामा मुख्यमन्त्रीका लागि विश्वासका मत दिन थापाले राखेको प्रस्तावको पक्षमा ४७ मत परेको हो । बैठकमा विश्वासको मतका लागि ७७ जना सांसद उपस्थित रहेका थिए । प्रदेश सभा बैठकको अध्यक्षता गरेका कांग्रेसका सांसद इस्राइल मन्सुरीले पनि मत दिएपछि थापाले बहुमतसहित मुख्यमन्त्री बनेका हुन् ।

एमाले नेतृत्वको सरकारले प्रदेश सभाबाट विश्वासको मत नपाएपछि १६ साउनमा थापा कोशी प्रदेशका मुख्यमन्त्री बनेका थिए । थापाले त्यतिबेला सभामुख बाबुराम गौतमको समेत हस्ताक्षर प्रयोग गरेर मुख्यमन्त्री बनेपछि सर्वोच्चले उनको मुख्यमन्त्री पद बदर गरिदिएको थियो ।
थापाले पछि सभामुख गौतमलाई राजीनामा गर्न लगाएर पुनः मुख्यमन्त्री बनेका थिए ।

सोमबारको प्रदेश सभा बैठकमा थापाले मुख्यमन्त्रीमा विश्वासको मत लिँदा एमालेका प्रदेश सभा सदस्यहरुले नाराबाजी गरिरहेका थिए ।