हामी सबैकाे संसारन्यूज

काठमाडौं । सुन तस्करी प्रकरणमा अनुसन्धानका लागि नेकपा माओवादी केन्द्र उपाध्यक्ष कृष्ण बहादुर महराका छोरा राहुल महरा पक्राउ परेका छन् ।

विद्युतीय चुरोट (भेप) मा लुकाएर ल्याएको सुन तस्करी प्रकरणमा यसअघि नाम मुछिएका महरालाई प्रहरीको केन्द्रीय अनुसन्धान ब्यूरो (सीआईबी)ले आज अनुसन्धानका लागि नियन्त्रणमा लिएको हो ।

उक्त विद्युतीय चुरोट (भेप) मा सुन लुकाएर ल्याएका चिनियाँ व्याापारी दावासँग राहुलको पटक–पटक टेलिफोन सम्पर्क भएको सिआइबीको अनुसन्धानमा खुलेको थियो ।

सुन प्रकरणमा मुछिएका पक्राउ परिरँहदा राहुललाई राजनीतिक संरक्षण दिइएको भन्दै आलोचना गरिएको थियो ।