हामी सबैकाे संसारन्यूज

काठमाडौं । एकसातादेखि राष्ट्रिय सभागृहको मुलगेट अगाडिको सडकमा प्लेकार्ड बोकेर उभिएका ईं अभियन्ता र काठमाडौं महानगरपालिकाका मेयर बालेन शाहबीच सामाजिक संजालमै जुहारी चलेको छ ।

इ अभियन्ताले आफुहरुको आन्दोलनलाई मेयर साहले वेवास्ता गरेको र भेट्न समेत नदिएर तथा नगर प्रहरीले थर्काएको आरोप लगाइरहँदा मेयर शाहले भने आफु इ अभियन्तालाई भेटेर वार्ता गरौं भन्दा नमानेको आरोप लगाएका छन् ।

केही समय अगाडि मेयर शाहले सामाजिक संजालमा लेख्दै भनेका छन्– ‘बिगत केही दिनदेखि केही अभियन्ताहरु आन्दोलनमा हुनुहुन्थ्यो, उहाँहरुको कुरा सुन्न उहाँहरु उभिरहेको ठाउँमा म आफै गएर बार्ता गरौं यहाँहरुको कुरा र समस्या सुनौं भन्दा अभियन्ताहरु संवादमा बोलाउँदा आउन खोज्नु भएन,’ मेयर शाहले भनेका छन्, ‘लोकतान्त्रिक अभ्यासमा सबै कुरा समाधान संवादबाट नै हुनुपर्छ भन्ने कुरा हामीले बुझेको छौ, सायद कुनै राजनीतिक स्वार्थ जोडिएर आउन नखोज्नु भएको होला भन्ने हामीले बुझेको छौ । के वार्ता हामीले उहाँहरुको नेतासँग गर्न पर्ने ?’

उता इ अभियन्ताले पनि समाजिक संजालमार्फत् मेयर बालेनको आरोपको जवाफ दिँदै मेयर शाह आफुहरुले आन्दोलन गरिरहेको ठाउँमा नआएको र उल्टै अकस्मात एक नगरप्रहरीले पार्किङ लटमा बोलाएर कुरा गर्दै ‘मेयरले भेट्दैनन’ भनेर जवाफ दिएको लेखेका छन् ।

‘मेयर यहाँ आउनुभएको छैन । सँगै जवाफदेहिता माग गरिरहेका साथीहरू साक्षी छन् । करीब ३० मिनेट अगाडि अकस्मात एक नगरप्रहरीले पार्किङ लटमा बोलाए । कानून विज्ञ, शहरी विशेषज्ञ, सडक व्यवसाय प्रतिनिधि साथीहरूलाई बोलाउन ३० मिनेट समय माग्यौं । नगर प्रहरीले रिसाएर जवाफ दिए –‘त्यसोभए मेयरले भेट्दैन !’

के हो इ अभिन्ताहरुको विद्रोह ?
असोज १ गतेदेखि राष्ट्रिय सभागृहको मुलगेट अगाडिको सडकमा प्लेकार्ड बोकेर उभिएका ईं अभियन्ताहरुले विशेष गरेर मेयर शाह र उपपमेयर सुनिता डंगोलको नाम लिएर मौन विद्रोह गरिरहेका छन् ।

युवा जनप्रतिनिधि निर्वाचित भएर आएपछि नागरिकमा जागेको आशा विपरित हुँदा गरिखाने नागरिकको अस्तित्व मेटाउने काम गरेको भन्दै त्यसको जवापफ माग्दै उनीहरु मौन विद्रोहमा उत्रिएका हुन् ।

युवा जनप्रतिनिधि निर्वाचित भएपछि नागरिकमा जागेको आशाविपरीत हुने गरी ‘हुँदा खाने’ वर्गको अस्तित्व मेटाउने काम गरेको भन्दै प्लेकार्ड बोकेर इ अभियन्ताहरुले शाह र डंगोलसँग जवाफ मागिरहेका छन् ।

उनीहरुले महानगरपालिकाले सडकमा साइकल, ठेलागाडा, नाम्लो र नाङ्लो थापेर केही पैसा आर्जन गरेर जिविकोपार्जन गरिरहेकाहरुलाई विस्थापित गरेको भन्दै महानगरको उक्त नीतिविरुद्ध भद्र अवज्ञा गरेको बताउँदै आएका छन् ।

मेयर यहाँ आउनुभएको छैन। सँगै जवाफदेहिता माग गरिरहेका साथीहरू साक्षी छन्। करीब ३० मिनेट अगाडि अकस्मात एक नगरप्रहरीले पार्किङ लटमा बोलाए। कानून विज्ञ, शहरी विशेषज्ञ, सडक व्यवसाय प्रतिनिधि साथीहरूलाई बोलाउन ३० मिनेट समय माग्यौं। नगर प्रहरीले रिसाएर जवाफ दिए – त्यसोभए मेयरले भेट्दैन! https://t.co/vVlj7uqnDS

— iih ईः (@iihtter) September 25, 2023