Sansar News
काठमाडौं । दाङमा बस दुर्घटना हुँदा १४ जना यात्रु घाइते भएका छन् । आज बिहान ५ बजे पोखराबाट सुर्खेत जाँदै गरेको ग १ ख ८४८५ नम्बरको बस दुर्घटनामा परेको जिल्ला प्रहरी कार्यालय दाङले जनाएको छ ।
पूर्वपश्चिम राजमार्गमा पर्ने लमही नगरपालिका ४ बनगाउँस्थित बबई सोता पुलबाट बस तल खसेर दुर्घटनामा परेको प्रहरीले जनाएको छ । प्रहरीका अनुसार बस दुर्घटनामा घाइते भएका १४ जनामध्ये एकजनालाई बढी चोट लागेको छ । गम्भीर घाइते एकजनालाई लमहीमा सामान्य उपचारपछि थप उपचारको लागि बुटवल लगिएको र बाँकी १३ जना घाइतेको लमहीमै उपचार भइरहेको प्रहरीले जनाएको छ ।
प्रहरीका अनुसार बसमा १६ यात्रु सवार थिए । दुई जना भने सकुशल छन् । बस सडकबाट करिब ३० फिट तल खसेको छ ।
वि.सं.२०८० असोज १५ सोमवार ०९:२८ मा प्रकाशित
