Sansar News
काठमाडौं । कोशी प्रदेशका नवनियुक्त मुख्यमन्त्री केदार कार्कीले एमालेका अध्यक्ष केपी शर्मा ओलीलाई भेटेका छन् ।
शनिबार नेकपा एमालेका सांसदहरुको सहयोगमा मुख्यमन्त्री बनेका कार्कीले शनिबारै काठमाडौं आएर नेपाली कांग्रेसका नेता शेखर कोइरालालगायतका नेताहरुलाई भेट्दै आएका छन् ।
उनले आइतबार एमालेका अध्यक्ष ओलीलाई भेटे मन्त्रिमण्डल विस्तारका विषयमा कुराकानी गरेको बताइएको छ ।
मुख्यमन्त्री कार्कीले आइतबार बिहान केपी ओली निवास बालकोट पुगेर मुख्यमन्त्री बन्न सहयोग गरेकोमा धन्यवाद दिएका थिए भने ओलीले बधाई दिएका थिए । अध्यक्ष ओलीले बधाई दिँदै मुलुकमा सहकार्यको सुरुवात कोशी प्रदेशबाट भएको बताएका थिए ।
मुख्यमन्त्री कार्कीले आजै मुख्यमन्त्री पदको सपथ लिने र एमालेसहितको तीन सदस्यी मन्त्रिमण्डल विस्तार गर्ने तयारी गरेको बताइएको छ ।
्
वि.सं.२०८० असोज २८ आइतवार १२:३२ मा प्रकाशित
