हामी सबैकाे संसारन्यूज

काठमाडौं । एनआईसी एशिया क्यापिटल लिमिटेडको २ वटा म्युचुअल फण्डको लाभांश घोषणा भएको हो । क्यापिटलको असोज २७ गते सम्पन्न संचालक समितिको बैठकले एनआईसी एशिया ग्रोथ फण्ड र एनआईसी एशिया ब्यालेन्सड् फण्डको लाभांश घोषणा गरेको हो ।

आर्थिक वर्ष २०७९ /८० का लागि लाभांश घोषणा भएको हो । जस अनुसार एनआईसी एशिया ग्रोथ फण्डले इकाईधनीहरुलाई १०.५० प्रतिशत (कर सहित) का दरले हुन आउने आठ करोड छयत्तर लाख छयानब्बे हजार रुपैयाँ नगद लाभांश वितरण गर्ने छ ।

त्यस्तै एनआईसी एशिया ब्यालेन्सड् फण्डले इकाईधनीहरुलाई १० प्रतिशत (कर सहित) का दरले हुन आउने सात करोड पचपन्न लाख बराबरको नगद प्रतिफल वितरण गर्ने छ ।

क्यापिटलले लाभांश वितरणको लागि बुक क्लोज मिति पछि तय गर्ने जनाएको छ ।