Sansar News
काठमाडौं । राष्ट्रिय सभा सदस्यको भागबन्डाका लागि नेपाली कांग्रेस र माओवादी केन्द्रले आज पनि छलफल गरेका छन् । प्रधानमन्त्री निवास बालुवाटारमा दुईपक्षीय छलफल भइरहेको छ । दुई दलका शीर्ष नेताहरूबीच मंगलबार पनि छलफल भएको थियो ।
यसअघिको छलफलमा भागबन्डाको टुंगो नलागेपछि नेताहरू आज पनि छलफलमा जुटेका हुन् । आजको बैठकमा माओवादी केन्द्रबाट अध्यक्ष प्रचण्ड, वरिष्ठ उपाध्यक्ष नारायणकाजी श्रेष्ठ र वर्षमान पुन सहभागी छन् भने कांग्रेसबाट सभापति शेरबहादुर देउवा, उपसभापति पूर्णबहादुर खड्का, महामन्त्री गगनकुमार थापा र प्रमुख सचेतक सहभागी छन् ।
निर्वाचन आयोगले पुस २३ गतेका लागि उम्मेदवारी दर्ता तोकेको छ । मतदान भने माघ ११मा हुनेछ । १९ सिटका लागि निर्वाचन हुन लागेको हो ।
फाइल फाेटाे
वि.सं.२०८० पुस १८ बुधवार ११:१० मा प्रकाशित
