हामी सबैकाे संसारन्यूज

काठमाडौं । कोशी प्रदेशका मुख्यमन्त्री र तीन मन्त्रीहरुले सम्पत्ति विवरण सार्वजनिक गरेका छन् ।

बुधबार मुख्यमन्त्री केदार कार्की, आन्तरिक मामिला तथा कानुनमन्त्री शमशेर राई, भौतिक पूर्वाधार तथा विकास मन्त्री मन्त्री कमल प्रसाद जवेगु र बन, पर्यटन तथा वातावरणमन्त्री गणेश उप्रेतीले बुधबारा सम्पत्ति विवरण बुझाएका हुन् ।

सम्पत्ति विवरणमा मुख्यमन्त्री कार्कीले मोरङको बुढीगंगामा तीनवटा घडेरी र घर, विराटनगर–७ मा तीनवटा घडेरी र सोहि ठाउमै एक विघा दुई कठ्ठा जग्गा देखाएका छन् ।

उनको घर र सबै जग्गा श्रीमती शान्तादेवी वस्नेतको नाममा रहेको छ ।् साथै श्रीमती शान्तादेवीको नाममा बुढीगंगामा रहेको १ कट्ठा १२ धुर जग्गामा घर रहेको सम्पत्ति विवरणमा उल्लेखछ । सम्पत्ति विवरणमा उक्त जग्गा पैत्रिक सम्पत्ति बेचबिखन तथा जागिरबाट आर्जन गरेको रकमबाट जोडेको उल्लेख गरेका छन् ।

त्यसैगरी उनी, श्रीमती र छोराहरुको नाममा समेत कृषि विकास बैक लगायतका बैंकमा ८ लाख रुपैयाँ नगद जम्मा गरेको विवरणमा उल्लेखछ । साथै उनले सम्पत्ति विवरणमा २५ तोला सुन र ८० तोला चाँदी रहेकोा उल्लेख गरेका छन् । उक्त सुन र चाँदी विवाह, उपहार तथा केही आफै खरिद गरेको उल्लेख गरेका छन् ।

त्यस्तै कृषि विकास बैंकमा कार्कीको नाममा तलब भत्ता बापत २० हजार ८३ रुपैयाँ, श्रीमती शान्तादेविको नाममा ८२ हजार ५७८ रुपैयाँ र छोराहरु शाब्दीक बाबु कार्कीको नाममा ३ लाख ३९ हजार ८३६ रुपैयाँ, शांकेत बाबु कार्कीको नाममा ३ लाख ४८ हजार ५८४ रुर्पैयाँ तथा शान्तादेवीको नाममा एभरेष्ट बैंकमा ३ हजार ६६० रुपैयाँ रकम जम्मा भएको् तथा विभिन्न ५२ वटा बैंक तथा कम्पनीका सेयर समेत रहेको विवरणमा उल्लेख छ । मुख्यमन्त्री कार्कीले १ करोड ८ लाख ऋण रहेको समेत विवरणमा उल्लेख गरेका छन् ।

मन्त्री उप्रेतीको सम्पत्ति कति ?
त्यसैगरी वन, पर्यटन तथा वातावरण मन्त्री गणेश उप्रेतीले पनि आफ्नो सम्पत्ति विवरण रार्वजनिक गरेका छन् ।

नेकपा माओवादी केन्द्रबाट मन्त्री बनेका उप्रेतीले १० तोला सुन र २० तोला चाँदी रहेको विवरण उल्लेख गरेका छन् । साथै विवरणमा उप्रेतीले श्रीमती नरमाया भट्टराईको नाममा विराटनगरमा १ कट्ठा ५ धुरमा बनेको घर र सुनसरीको इटहरीमा ११ धुर जग्गा गरी दुईवटा घडेरी रहेको उल्लेख गरेका छन् ।

त्यसैगरी मन्त्री उप्रेतीको परिवारको नाममा माछापुछ्रे बैंक, कृषि विकास बैंक र राष्ट्रिय वाणिज्य बैंकमा २ लाख ७८ हजार नगद बैंक खातामा बचत रहेको र ३९ लाख ५० हजार ऋण रहेको उल्लेख गरेका छन् । उक्त रकम आफ्नो तलब भत्ता र अन्य शिर्षकमा जम्मा भएको विवरणमा उल्लेख छ ।

उनले सामुहिक रुपमा कृषि व्यवयसाय तथा गाई पालन गरेको विवरणमा उल्लेख गरेका छन् ।

मन्त्री शम्शेर राईको सम्पत्ति पाँच ठाउँमा जग्गा र १० तोला सुन
त्यसैगरी नेपाली कांग्रेसको विद्रोही समूहबाट कोशी प्रदेशको आन्तरिक मामिला तथा कानुनमन्त्री बनेका शम्शेर राईले आफ्नो सम्पत्ति विवरणमा इलाममा पाँच ठाउँमा जग्गा र १० तोला सुन रहेको उल्लेख गरेका छन् ।

बुधबार सम्पत्ति विवरण बुझाएका मन्त्री राईले इलामको रोङ गाउँपालिकाको वडा नं ४ र ६ मा विभिन्न पाँच ठाउँमा जग्गा रहेको उल्लेख गरेका छन् ।

त्यसैगरी उनले बैंकमा ६२ हजार, सहारा नेपाल बचत तथा ऋण सहकारीमा परिवारका सदस्य मालती राईको नाममा १ लाख ५० हजार रुपैयाँ बराबरको सेयर पुँजी रहेको उल्लेख गरेका छन् ।

त्यस्तै उनले अलैचीको खेती तथा नर्सरी बाख्रा फारम सन्चालन गरिरहेको उल्लेख गरेका छन् ।

मन्त्री जवेगुको सम्पत्ति ११ तोला सुन र ६ कित्ता जग्गा !
त्यस्तै भौतिक पूर्वाधार विकास मन्त्री कमल प्रसाद जवेगुले दाइजो बापत १० तोला सुन र ६ कित्ता जग्गा रहेको सम्पत्ति विवरण पेश गरेका छन् ।

एकिकृत समाजवादी पार्टीबाट प्रदेशको भौतिक पूर्वाधार विकासमन्त्री बनेका पाँचथरका जवेगुले पाँचथरको फालेलुङ २ र झापाको मेचीनगरमा ५ मा ६ कित्ता जग्गा रहेको सम्पत्ति विवरण बुझाएका छन् । उनले आाफुसँग ११ तोला सुन, १५ तोला चाँदी रहेको तथा बैंकमा १ लाख रुपैयाँ जम्मा रहेको तथा काबेली हाइड्रो पावर लिमिटेडको ५० कित्ता सेयर रहेको समेत विवरणमा उल्लेख गरेका छन् ।

त्यस्तै उनले कृषि विकास बैंकमा तलब भत्ता वापत ७० हजार र हिमालयन बैंकमा ३० हजार रकम जम्मा रहेको उल्लेख गरेकाा छन् ।