Sansar News
काठमाडौं । प्रधानमन्त्री पुष्पकमल दाहाल ‘प्रचण्ड’ र नेकपा एमालेका अध्यक्ष केपी शर्मा ओलीबीच भेटवार्ता भएको छ । सिंहदरबारस्थित प्रधानमन्त्री कार्यालयमा दुई नेताबीच भेटवार्ता भएको हो ।
दुई नेताबीच आगामी बजेट अधिवेशनसँग सम्बन्धित भेटवार्ता भएको प्रधानमन्त्रीको सचिवालयले जनाएको छ । सरकारको सिफारिसमा राष्ट्रपति रामचन्द्र पौडेलले यही माघ २२ गते अपराह्न ४ बजे संसदको हिउँदे अधिवेशन पनि भनिने बजेट अधिवेशन आह्वान गरेका छन् । यो अधिवेशनमा केही विधेयकहरु समेत प्रस्तुत हुनेछन् ।
संसदको विजनेस र आगामी बजेटका प्राथमिकताका विषयमा प्रधानमन्त्री ‘प्रचण्ड’ निरन्तर परामर्शमा छन् । प्रधानमन्त्री ‘प्रचण्ड’ र एमाले अध्यक्ष ओलीबीच यही बजेट अधिवेशन र समसामयिक परिस्थितिबारे छलफल भएको बताइएको छ ।
फाइल फाेटाे
वि.सं.२०८० माघ १९ शुक्रवार १०:४२ मा प्रकाशित
