हामी सबैकाे संसारन्यूज

बेलायत । स्कटल्याण्डमा आगलागीमा परेर दुई नेपाली चेलीको निधन भएको छ ।

स्कटल्यान्ड एबर्डिनको ब्याक हिल्टन रोडमा बस्दै आएका २० वर्षीया आँचल सुबेदी र २४ वर्षीया शिक्षा सुवेदीको सोमबार साँझ आफु बसेको घरमा भएको आगलागीमा परेर ज्यान गएको हो ।

एबरडिनस्थित नेपलिज हिमालयन एसोसिएसनका अध्यक्ष तथा नेपाल पत्रकार महासंघ युकेका सल्लाहकार डा शिव तिवारीका अनुसार सुवेदी दिदीबहिनी बस्ने फ्लाटभन्दा तलको फ्लाटबाट आगलागी भएको थाहा पाएपछि फ्लाटको ढोका बन्द गरेर बाहिर निस्कने क्रममा भर्याङमै धुँवाको मुस्लोमा परी निस्सासिएर उनीहरूको मृत्यु भएको आशङ्का गरिएको छ ।
उनीहरु दुवैजनाको शरीरको भागमा कतै पनि जलेको नपाइएकोले यस्तो आशंका गरिएको पनि डा तिवारीले जानकारी दिएका छन् ।
डा यज्ञ सुवेदीका तीन छोरीमध्य एकको विवाह भएर अन्तै बसेको र शिक्षा र आँचल बाबुआमाबाट करिब १० मिनेटको दुरीमा रहेको सो फ्लाटमा बस्ने गरेको बताइएको छ ।

उनीहरु दुवैजनाको मृत्युको खबरले सबैलाई स्तब्ध तुल्याएको एनआरएनए युकेले जनाएको छ । ‘आँचल र शिक्षाको असामयिक निधन भएको खबरले अत्यन्त दुखी तुल्याएको छ ।’ गैरआवासीय नेपाली संघ यूकेका अध्यक्ष प्रेम गाहा मगरले दुःख व्यक्त गरेका छन् ।