हामी सबैकाे संसारन्यूज

काठमाडौं । बाँसबारी छाला जुत्ता उद्योगको १० रोपनी जग्गा हड्पेको आरोपमा व्यवसायी अरुण चौधरी पक्राउ परेपछि अर्बपति बिनोद चौधरीले सरकारले प्रतिशोध साँधेको आरोप लगाएका छन् ।

नेपाली कांग्रेसका सांसद तथा चौधरी ग्रुपका अध्यक्ष समेत रहेका अर्बपति चौधरीले कांग्रेस संसदीय दलको बैठकपछि संचारकर्मीसँग कुरा गर्दै सरकारले प्रतिशोध साधेर व्यवसायीलाई तर्सारहेको बताएका छन् ।

उक्त जग्गा प्रकरणमा आफ्नै भाइ तथा व्यवसायीक साझेदार समेत रहेका अरुण पक्राउ परेपछि उक्त जग्गा आफुहरुले प्रक्रियागत रुपमै खरिद गरेको समेत दावी गरे ।

उनले धेरै अगाडिको कुरा उठाएर सरकारले व्यवसायी तर्सारहेको समेत बताए । साथै सरकारले आयोजना गर्न लागेको लगानी सम्मेलनमा पनि यस्ता कार्यले उद्योगीहरुको मनोबल खस्किने समेत बताए ।

बाँसबारी छाला जुत्ता जग्गा हिनामिना प्रकरण : सिआइबी भन्छ-अरु पनि तानिन सक्छन्