हामी सबैकाे संसारन्यूज

काठमाडौँ । अघिल्लो गठबन्धनबाट संस्कृति, पर्यटन तथा नागरिक उड्डयन मन्त्रालयको जिम्मेवारी पाएका सुदन किराँतीले सरकाले दिएको मन्त्री निवास छोडेका छन् ।

मंगलबार मन्त्री निवास छोडेर जानि क्रममा किराँतीले फेसबुक पेजमा आफुले रोपेको बिरुवामा धेरै कोपिला लागेको  र अव आउने मालीले फर्काउने छन्  भन्ने विश्वास लिएको बताएका छन् ।

उनले फेसबुक पेजमा यसरी लेखेका छन् ।

“आज सरकारले दिएको निवास छोडेर जाँदैछु ।

पस्दा मलाई धेरै डर लागेको थियो तर निस्कदा खुसी छु । मेरो आमाले भन्नू हुन्थ्यो “जिम्मेवारी पाउनु गाह्रो कुरा हो त्यो भन्दा गाह्रो त पूरा गर्नु हो“

४१३ दिन मन्त्री पदमा बसेर देश र जनताको सेवा गरे। यो अवसर प्रदान गर्नु हुने प्रधानमन्त्री “प्रचण्ड“, मेरो पार्टी, मलाई मत दिनुहुने मतदातहरु र संसारका कुना–कुना बाट मलाई सहयोग र सहानुभूति दिनुहुने सम्पूर्ण महानुभावहरुमा धन्यवाद ज्ञापन गर्दछु । म र मेरो टिमले सकेको कोशिस गरेकाछौँ । हामीले रोपेको बिरुवामा धेरै कोपिला लागेको छ, आउने मालीले फक्राउनु हुनेछ भन्ने विश्वास लिएकोछु ।

मैले यहाँ बस्दा मेरो वुवाको एक प्राण लिने मृत्यु मात्र देखिन मेरो राजनीतिक जीवनको हजार मृत्युहरु पटक पटक देखे र राजनितिक मृत्युलाई मैले छल्न सके तर प्राणलिने मृत्युलाई वुवाले छल्नु सक्नु भएन ।

सत्य यो रहेछ कि भौतिक मृत्यु माथी अठोट र ईमानले जित्न नसकिदो रहेछ तर राजनीतिक मृत्युलाई अठोट र ईमानले जित्न सकिदो रहेछ । ”