Sansar News
क्यालिफोर्निया । नेपालको गोरखा घर भइ लामो समयदेखि अमेरिकामा रहेका टेक लामा यतिबेला सहयोगी हातको पर्खाइमा छन् ।
गोरखाको नम्की अजिरकोट गाउँपालिका वार्ड नम्बर ४ गोरखामा जन्मिएका लामा क्यालिफोर्नियास्थित नेपाली समाजमा दयालु मन भएको समाजसेवीको रुपमा परिचित नाम हो । विगत १४ बर्षदेखी लस एन्जलसलाई कर्मभुमी बनाएर बसोबास गर्दै आईरहेका समाजसेवी लामाको छुट्टै पहिचान र सामाजिक प्रतिष्ठा रहेको छ ।
सबैप्रति सहयोगको भावना राख्ने लामा तामाङहरुको सामुदायिक संस्था तामाङ सोसाईटी अफ लसएन्जल्सको अध्यक्ष रमेत हुन् । तामाङ सोसाइटी अफ नर्थ अमेरिका केन्द्रीय समितिको वरिष्ठ उपाध्यक्ष भएर कम गरिसकेका उनी हामी नेपाली ग्लोबलको अन्तराष्ट्रिय उपाध्यक्ष समेत हुन् । लामाले गैरआवासीय नेपाली संघ, राष्ट्रिय समन्वय समिति, रिपोटर्स क्लब अमेरिकालगायतका थुप्रै संस्थाहरुसंग आबद्ध भई काम गरिसकेका व्यक्तित्व हुन् ।
सदैव अरुका लागि अग्रपङ्तिमा रहेर सहयोग गर्दै आएका लामा यतिबेला आफै कोलोन क्यान्सर रोगबाट पीडित छन् । उनलाई यतिबेला आर्थिक एवं मानविय सहयोगको खांँचो रहेको छ ।
अहिलेसम्म १० वटा केमोथेरापी लिईसकेका उनमा पछिल्लो अबस्थामा भने स्वास्थ्यमा विभिन्न असरहरु देखिएकोले उनले शारिरिक तथा मानसिक रुपमा कमजोर भएको महसुस गरिएको छ ।
लामाको परिवारमा ३ छोराछोरीहरु पढ्दै गरेको र आफुले विगत लामो समयदेखी काम गर्न नसकेको कारण आर्थीक संकटमा परेको बताएका छन् ।
लामाले अन्तराष्ट्रिय हामि नेपाली ग्लोबलमार्फत नेपालको बिभिन्न जिल्लाहरुमा भूकम्प पीडित र बिदेशमा अलपत्र भएका विदेशी कामदारहरुको नेपालमा उद्धार गर्ने र बाढीपहिरोबाट पीडित परिवारका लागि राहत सहयोगमा महत्वपुर्ण योगदान दिदै सयौ व्यक्तिहरूलाई सहयोग गर्दै आएकाा छन् ।
तर यतिबेला उनी आफैलाई हामी सबैको सहयोगको खांचो परेको छ लामालाई सहयोग गर्न लसएन्जल्सस्थित नेपाल अमेरिका एकता समाजले गो फन्ड एकाउन्ट खोलेको छ, साथै तलको लिंकमा खोलेर सहयोग गर्न समेत अनुरोध गरिएको छ ।
वि.सं.२०८० फागुन २४ बिहीवार १७:२५ मा प्रकाशित
