Logo
२४ श्रावण २०७९, मंगलवार
     Tue Aug 9 2022
E-paper
  English Edition
   Unicode
Logo

एकता समाज ओमानद्वारा  सरकारलाई पाँच बुदे ज्ञापनपत्र



yekta-samaj-oman-gapan-patra

ओमान नेपाली एकता समाजद्वारा खाडीमा घरेलु कामदारको रूपमा कार्यरत महिलाहरु समस्या, फ्री भिषा फ्री टिकट, प्रवासी नेपालीहरुको मताधिकार लगायतका बिषयमा नेपाली दूतावासमा ०४ में बिहिवारका दिन ज्ञापन- पत्र बुझाएको छ ।

अन्तर्राष्ट्रिय नेपाली एकता समाजका महासचिव शोभाकान्त लामिछाने, एकता समाजका अध्यक्ष छबिलाल बस्नेत, महिला बिभागकि अध्यक्ष गीता लिम्बू लगायत सम्मीलित एक प्रतिनिधि मण्डलले अध्यक्ष छबिलाल बस्नेतद्वारा हस्ताक्षरित पाँच बुदे ज्ञापन-पत्र कार्यबाहक राजदूत रोजिना ताम्राकारसमक्ष बुझाईएको हो ।

ज्ञापन पत्रमा नेपाल सरकारले बिदामा नेपाल फर्केर पुन रोजगारीमा फर्कन चाहने घरेलु महिला कामदारहरुको श्रम स्वीकृतिमा रोक लगाएको कार्य गलत भएको भन्दै पुन श्रम स्वीकृति दिने कार्य सुचारु गर्न माग गरिएको छ । यो कदमले प्रवासमा श्रम गरि परिवार पाल्ने महिलाहरुको रोजिरोटि नै बन्द भई आश्रीत परिवार समेत प्रभावित भएको बताएका छन् । “जेनतेन बालबच्चाहरु पढाई र खानपिन खर्च धानिरहेका महिलाहरुलाई रोजगारबाट बन्चित गराउनु राम्रो कार्य नहुने र अधिकाङ्स महिलाहरु अशिक्षित र बिपन्न बर्गको भएको हुनाले उनिहरुले तत्काल कुनै जागीर वा ब्यवसाय गर्न पनि असक्षम हुने र सरकारले तत्काल त्यस्तो कुनै बैकल्पिक ब्यवस्था गर्न पनि सक्ने अवस्था नभएको हुँदा यसलाई तत्काल फिर्ता लिएर बिदामा घर गएर फेरि फर्केर काम गर्न चाहने महिलाहरुको निम्ति सहज वातावरण तय गर्न समेत सरकारसंग जोडदार माग गर्दछ भनिएको छ ।”

साथै महिलाहरुलाई विभिन्न देशको एअरपोर्ट प्रयोग गरी दलालहरुले सेटिङमार्फत ओसारपसार गर्ने काम सरकारले अझै रोक्न नसकेको र खाडीमा महिलाहरुको समस्यामा कुनै कमि नआएकोले नयाँ त्यस्लाई न्यूनीकरण अब आउन चाहने महिलाहरुलाई सरकारको संरक्षकत्वमा संभावना भएका देशहरुमा पठाउने ब्यवस्था गर्न माग गरिएको छ । लाखौंको संख्यामा प्रवासमा रहेका युवाहरुलाई प्रवासबाट नै सबै प्रकारका चुनावहरुमा मतदान र प्रतिनिधित्वको ब्यवस्था गराउन पनि माग गरिएको छ ।

सरकारले मलेसिया लगाएत खाडी मुलुकमा जान चाहने कामदारहरुलाई लागू गरिएको फ्री भिसा फ्री टिकटको नीतिलाई कडाई पूर्वक लागू गराउन माग गरिएको छ । ज्ञापन-पत्रमा साउदी स्थित तात्कालिक नेपाली राजदूत उदयराज पान्डेको कार्यकाल देखिको प्रयासमा ओमानमा बहाल रहेका पूर्व राजदूतहरुको रोहवरमा नेपाली संघसंस्थाहरुबिच भएको छलफलमा ओमानमा सबै नेपालीहरुलाई समेट्ने गरि नेपाली सोसियल क्लब दर्ता गर्ने सहमति भएकोमा हाल आएर गैरआवासीय नेपाली संघ ओमानले गैर आवासीय नेपाली सोसियल क्लब दर्ता गरेको पाईएको हुनाले ओमान सरकारको कानुन अनुसार कुनै एक क्लब मात्र दर्ता गर्न मिल्ने प्रावधान भएको हुँदा कुनै एक संस्था विशेषको नाममा नभई सबै नेपालीको साझा नेपाली सोसियल क्लब दर्ता गर्नको लागि पहल गर्न पुनः दूतावास मार्फत नेपाल सरकारलाई जोडदार माग गर्दछ भनिएको छ । सो अवसरमा काबा राजदूत ताम्राकार र सहचारी लाल बहादुर अर्यालले सम्बन्धित बिषयमा सहभागी टोलिद्वारा सोधिएको जिज्ञासा माथी प्रकाश पारिएको थियो ।


यो खबर पढेर तपाईलाई कस्तो महसुस भयो ?

काठमाडौं । चक्रपथभित्र खाली जग्गा पाउन मुस्किल छ । बढ्दो सहरीकरणका कारण खाली जग्गासमेत

प्रेम, परियार नर्वे । प्रवासी नेपाली एकता मन्च नर्वेले आयोजना गरेको मैंत्रीपूर्ण टि –१०

काठमाडौं । काठमाडौं महानगरपालिकाका प्रमुख बालेन्द्र साहले थापाथलीस्थित नर्भिक अस्पताललाई २४ घण्टे निर्देशन दिएका

नवलपुर– पढाईमा उत्कृष्ट हुन थालेपछि नवलपुरमा निजी छाडेर सरकारी विद्यालय रोज्ने बढ्न थालेका छन्

काठमाडौं । पर्वतको जलजला गाउँपालिका धाइरिङ ७ मा विद्युतीय दुर्घटनामा परेर १ जनाको मृत्यु