Sansar News
काठमाडौं । कोशी प्रदेशको मुख्यमन्त्रीमा हिक्मत कार्की नियुक्त भएका छन् ।
नेकपा एमाले कोशी प्रदेश संसदीय दलका नेता समेत रहेका कार्की एमाले र माओवादी केन्द्रका ५२ सांसदको समर्थनमा मुख्यमन्त्री नियुक्त भएका हुन् ।
कार्कीलाई माओवादी र एमालेका ५२ सांसदले मुख्यमन्त्रीमा समर्थन गरेपछि प्रदेश प्रमुख पर्शुराम खापुङले कार्की प्रदेशको मुख्यमन्त्रीमा नियुक्त भएको घोषणा गरेका थिए ।
प्रदेश प्रमुख खापुङले संविधानको धारा १६८ को उपधारा ५ अनुसार सरकार गठनको आव्हान गरेपछि कार्कीले मुख्यमन्त्री पदमा आफ्नो दाबी पेस गरेका थिए ।
प्रदेश सभामा रहेका ९३ सदस्य मध्ये बहुमतका लागि ४७ मत आवस्यक रहेकोमा मुख्यमन्त्री कार्कीको पक्षमा ५२ मत देखिएपछि उनी मुख्यमन्त्रीमा नियुक्त भएका हुन् ।
वि.सं.२०८१ वैशाख २७ बिहीवार १४:०९ मा प्रकाशित
