Sansar News
काठमाडौं । देशभरिका सहकारी पीडितरुले शुक्रबारदेखि तेस्रो चरणको आन्दोलन सुरु गर्ने घोषणा गरेका छन् ।
विगतमा सरकारसँग भएको सम्झौताको कर्यान्वयन नभएपछि जेठ ११ गतेबाट सहकारी पीडितहरुले आन्दोलन गर्ने भएका हुन् ।
सहकारी बचतकर्ता संरक्षण राष्ट्रिय अभियान महासंघले देशभरिका संकटग्रस्त सहकारी पीडित बचकर्तालाई संगठित गर्दै आन्दोलनको घोषणा गरेको हो ।
महासंघका एक पदाधिकारीको अनुसार सरकारले महासंघसँग विगतमा गरेका कुनै पनि सम्झौता कार्यान्वयन नगरेकाले तेस्रो चरणको आन्दोलन घोषणा गनै बाध्य भएको बताएका छन् ।
महासंघका अनुसार भोली माइतीघर मण्डलाबाट सहकारी पीडितहरूले तेस्रो चरणको आन्दोलन सुरु गर्ने जनाइएको छ ।
सो स्रोतका अनुसार ‘शुक्रबार ११ बजे माइतीघर मण्डलाबाट ¥यालीपछि कोणसभा गरेर रिले अनशन सुरु हुनेछ ’।
पीडीतहरुले नेपालगञ्ज, चितवन र धरानमा पनि आन्दोलन एकैपटक गर्ने छन् । फाइल फोटो
वि.सं.२०८१ जेठ १० बिहीवार १६:२४ मा प्रकाशित
