जेनेभा, स्वीजरल्याण्ड । संयुक्त राष्ट्रसङ्घले मङ्गलबार विकिलिक्सका संस्थापक जुलियन असान्जको बेलायतमा नजरबन्दबाट रिहाइलाई यस मुद्दालाई निश्चितरूपमा समाधान गर्ने महत्वपूर्ण कदम भनी प्रशंसा गरेको छ ।
असान्जले संयुक्त राज्यका अधिकारीसँग निवेदन सम्झौतामा पुगेपछि अन्तिम अदालतको सुनुवाइको सामना गर्न तयार थिए, जसले उनको वर्षौं लामो काराबास जिवनको अन्त्ये गरेको ।
“बेलायतमा नजरबन्दबाट जुलियन असान्जको रिहाइलाई स्वागत गरेको बताउदै संयुक्त राष्ट्रसङ्घको अधिकार कार्यालयकी प्रवक्ता लिज थ्रोसेलले अन्तिम निवेदन सम्झौता अझै स्वीकृतिको प्रतीक्षामा रहेको जनाएकी छन् ।
आफुले बारम्बार यो विषय उल्लेख गरिसकेको जनाउदै उनले यो मुद्दाले लामो समयदेखि मानव अधिकारको चिन्ताको श्रृङखला खडा गरेको बताइन् ।
प्रशान्त महासागरको उत्तरी मारियाना टापुको अदालतमा दायर गरिएको कागजातअनुसार असान्ज राष्ट्रिय रक्षा जानकारी प्राप्त गर्न र प्रसार गर्न षड्यन्त्रको एकल गणनामा दोषी ठहर गर्न सहमत भएका छन् । उनी बुधवार अदालतमा उपस्थित हुनेछन् ।
असान्जको बढ्दो लामो नजरबन्दले पनि चिन्ताको छुट्टै मुद्दा खडा गरेको बताउदै थ्रोसेलले आउँदो दिनमा पनि घटनाक्रमको निरन्तर निगरानी जारी राख्ने बताएका छन् । (रासस/एएफपी)
वि.सं.२०८१ असार ११ मंगलवार २१:१९ मा प्रकाशित






























