Sansar News
काठमाडौँ । राष्ट्रिय प्रजातन्त्र पार्टी (राप्रपा)को संसदीय दलको बैठक बस्दै छ ।
राप्रपाले सरकारलाई विश्वासको मत दिने वा नदिने विषयमा निर्णय गर्न आज दिउँसो २ बजेका लागि संसदीय दलको बैठक आह्वान गरेको हो ।
पार्टीको संसदीय दलको कार्यालयमा बस्ने बैठकले संसदीय दलका नेताहरुसँग छलफल गरी उनीहरुको सुझावका आधारमा पक्ष वा विपक्षमा निर्णय लिने राप्रपाका नेता राजाराम श्रेष्ठले जानकारी दिए ।
सरकारमा रहेका नेकपा (एमाले)लगायतका केही दलहरू सरकारबाट बाहिरिएपछि प्रधानमन्त्री पुष्पकमल दाहाल ‘प्रचण्ड’ले भोली असार २८ गते विश्वासको मत लिने भएका छन् । मुलुकलाई हिन्दू राष्ट्र कायम गर्नुपर्ने, सङ्घीयता खारेजीलगायत माग राख्दै आएको राप्रपाको प्रतिनिधिसभामा १४ सिट छ ।
फाइल फाेटाे
वि.सं.२०८१ असार २७ बिहीवार ०९:२२ मा प्रकाशित
