काठमाडौँ । शान्ति प्रक्रिया तथा सङ्क्रमणकालीन न्यायसम्बन्धी (टीआरसी) विधेयकमा प्रमुख तीन दल सहमति नजिक पुगेका छन् । कार्यदल सहमति हुन बाँकी चार विषयमध्ये दुई बुँदामा सहमति नजिक पुगेको छ ।
कार्यदलका एक सदस्यका अनुसार विधेयकको हत्याको परिभाषामा गम्भीर मानवअधिकार उल्लङ्घन वा स्वेच्छाचारी हत्या (आर्बिट्रेरी किलिङ) राख्न करिब सहमति भएको छ ।
त्यस्तै गम्भीर मानवअधिकार उल्लङ्घनको मुद्दामा महान्यायाधिवक्ताले सजाय २५ देखि ३० प्रतिशसम्म सिफारिस गर्न सक्ने विषयमा पनि सहमति नजिक पुगेको छ ।
टीआरसी विधेयकमा पीडक र पीडितबिच मेलमिलाप गर्दा पीडितको सहमति भएमा प्रचलित कानुनअनुसार अदालत जान पाउने कि नपाउने र युद्धमा प्रयोग भएका बाल लडाकुको व्यवस्थापनको कस्तो प्रावधान राख्नेबारे सहमति हुन बाँकी छ । कार्यदलमा काङ्ग्रेसबाट गृहमन्त्री रमेश लेखक, एमालेका बर्तौला र माओवादीबाट शर्मा छन् ।
वि.सं.२०८१ साउन ८ मंगलवार १६:१५ मा प्रकाशित
