काठमाडौँ । नेपाल राष्ट्र बैङ्क सञ्चालक समितिको बोर्डले चालु आर्थिक वर्ष २०८१/८२ को मौद्रिक नीति पारित गरेको छ । मौद्रिक नीतिको सन्दर्भमा आज शुक्रवार बिहान बसेको बैठकले प्रस्तावित आर्थिक वर्षको मौद्रिक नीति अनुमोदन गरेको हो ।
यससँगै राष्ट्र बैङ्कले आज केही बेरमा औपचारिक कार्यक्रम गर्दै आर्थिक वर्षको मौद्रिक नीति सार्वजनिक गर्दै छ । सवा १२ बजे राष्ट्र बैङ्कबाटै मौद्रिक नीति सार्वजनिक गरिने प्रवक्ता डिल्लीराम पोखरेलले जानकारी दिए ।
राष्ट्र बैङ्कको आधिकारिक अनलाइन पोर्टलबाटै मौद्रिक नीति सार्वजनिक हुने भए पनि औपचारिकताका लागि मौद्रिक नीतिका सन्दर्भमा राष्ट्र बैङ्कले पत्रकार सम्मेलन गर्ने तयारी गरेको हो । चालु आर्थिक वर्षको वित्त नीति अर्थात् सरकारको बजेटले ६ प्रतिशतको आर्थिक वृद्धिदरको लक्ष्य राखेको छ ।
वि.सं.२०८१ साउन ११ शुक्रवार १२:२५ मा प्रकाशित
