Sansar News
काठमाडौं । गोरखामा गएराति पहिरोले घर पुरिँदा एकै घरका पाँच जना बेपत्ता भएका छन् । गोरखाको उत्तरी धार्चे गाउँपालिका-५ सिङग्लामा पहिरोले एक घर पुरिँदा ५ जना बेपत्ता भएका हुन् ।
आज बिहान ३ बजे गएको पहिरोले स्थानीय जितबहादुर गुरुङको घर पुरिएको जिल्ला प्रहरी कार्यालय गोरखाले जनाएको छ । प्रहरीका अनुसार दुईजनालाई गम्भीर घाइते अवस्थामा स्थानीयले उद्धार गरेका छन् ।
नजिकैको प्रहरी चौकीबाट घटनास्थलमा पुग्न चार घण्टा लाग्ने जिल्ला प्रहरी कार्यालयले जनाएको छ । प्रहरी टोली लाप्राक र माछाखोलाबाट घटनास्थलतर्फ गइरहेको प्रहरीले जनाएको छ । प्रहरीका अनुसार बेपत्ताहरुको नाम खुल्न बाँकी रहेको छ ।
फाइल फोटो
वि.सं.२०८१ साउन १३ आइतवार ०८:४५ मा प्रकाशित
