गोरखा । उत्तरी गोरखाको धार्चे गाउँपालिका-५ रेसेफाँटको पहिरोमा बेपत्ता भएका पाँच जनामध्ये तीन जनाको शव फेला परेको छ ।
६० वर्षीय सुलाल कान्छा गुरुङ, उनका छोरा ३७ वर्षीय जीतबहादुर गुरुङ र बुहारी ३५ वर्षकी कान्छीमाया गुरुङको शव भेटिएको जिल्ला प्रहरी कार्यालय गोरखाका डिएसपी रमेशकुमार श्रेष्ठले बताए ।
शनिवार गण्डकी गाउँपालिका-८ बर्खेघाटस्थित फिस्लिङ नदी किनारमा कान्छीमायाको शव फेला परेको छ ।
आइतबार बिहान करिब तीन बजे गएको पहिरोमा पुरिएर सोही वडास्थित सिङ्लाका ३३ वर्षीय रमेश गुरुङ र सोही फर्ममा ट्याक्टर चालकको रूपमा काम गर्ने २४ वर्षीय रमेश परियार बेपत्ता भएका छन् । उनीहरूको खोजी भइरहेको प्रहरीको भनाइ छ ।
वि.सं.२०८१ साउन १४ सोमवार १४:५८ मा प्रकाशित
