हामी सबैकाे संसारन्यूज

काठमाडौँ । प्राइम कमर्सियल बैंकको खुद नाफा ३.६ गुणाले बढेको छ । बैंकले सार्वजनिक गरेको गत आर्थिक वर्ष २०८०/८१ को चौथो त्रैमासिक वित्तीय विवरणअनुसार खुद नाफा तीन अर्ब ७७ करोड रुपैयाँ छ ।

अघिल्लो पटक सोही अवधिमा यस्तो नाफा १ अर्ब २ करोड रुपैयाँ थियो । लोन लस प्रोभिजन (इम्पेरिमेन्ट चार्ज) घट्नु र खुद ब्याज आम्दानीसँगै अरु आम्दानी बढ्दा नाफामा टेवा पुगेको देखिन्छ ।

बैंकको ब्याज आम्दानी १२ प्रतिशत बढेको छ । यस्तो आम्दानी अघिल्लो पटक ७ अर्ब १४ करोड रहेकोमा गत आर्थिक वर्षमा ८ अर्ब छ । त्यस्तै गत आवमा लोनलस प्रोभिजन १ अर्ब २४ करोड रुपैयाँ छुट्याएको छ ।