हामी सबैकाे संसारन्यूज

काठमाडौं । आजदेखि एसईई ग्रेड वृद्धि परीक्षा सञ्चालन हुँदैछ । राष्ट्रिय परीक्षा बोर्डले माध्यमिक शिक्षा परीक्षा (एसइई)को परीक्षामा उत्तीर्ण हुन नसकेकाहरुको सुविधाको लागि ग्रेड वृद्धि परीक्षा सञ्चालन गर्न लागेको हो । परीक्षा बिहान ११ बजेदेखि सुरु हुँदैछ ।

बोर्डका अनुसार ग्रेड वृद्धि परीक्षामा २ लाख १० हजार परीक्षार्थी सहभागी हुँदैछन् । परीक्षा सञ्चालनका लागि मुलुकभर ५५० केन्द्र निर्धारण गरिएको छ ।

बोर्डले गत असार १३ गते सार्वजनिक गरेको एसईईको नतिजामा ४८ प्रतिशत परीक्षार्थी मात्रै उत्तीर्ण भएका थिए ।

नियमित परीक्षाको नतिजामा ‘एनजी’ आएका र त्यतिखेर अनुपस्थित भएका सबै विद्यार्थीले यसपटक पूरक परीक्षा दिन पाउने व्यवस्था गरिएको बोर्डले जनाएको छ ।

तत्कालिन शिक्षामन्त्री सुमना श्रेष्ठको विशेष पहलमा पहिलोपटक सबै अनुत्तीर्ण विद्यार्थीले ग्रेड वृद्धि परीक्षा दिन लागेका हुन् ।

बोर्डले एसइईमा आधाभन्दा बढी परीक्षार्थीको नतिजा नन ग्रेडेड (एनजी) अर्थात् कक्षा ११ मा पढ्न नपाउने आएपछि ‘एनजी’ मा परेका सबै परीक्षार्थीलाई ग्रेड वृद्धि परीक्षाको मौका दिने निर्णय गरेको हो ।

सांकेतिक फोटो